Mairead Farrell (Galway West, Sinn Fein) | Oireachtas source

Maidir le múineadh agus múinteoirí ar na hoileáin amach ón gcósta, an chabhair, na liúntais agus mar sin de, agus chomh maith leis sin, go mbreathnaítear uaireanta ar na deacrachtaí atá ag na scoileanna seo amhail is go bhfuil siad ar an mórthír cé nach bhfuil siad, ábhar a d'ardaigh mé leis an Aire cheana, an bhfuil an tAire ag smaoineamh, nó ar bhreathnaigh sí cheana, ar athbhreithniú a dhéanamh air sin agus ar an mbealach a bhreathnaítear ar na scoileanna sin? Is dócha gur cuimhin leis an Aire an bhliain seo caite nuair a d'ardaigh mé léi cás scoláire atá in ainm is a bheith ceaptha i rang speisialta agus go ndúradh leo, mar gheall nach bhfuil seisear díobh ann, nach féidir leo an rang speisialta sin a fháil, cé go bhfuil sé deacair é sin a bhaint amach agus nach dtarlóidh de bharr go bhfuil siad ar oileán agus nach bhfuil ach seisear díobh ann. Ar smaoinigh an tAire riamh faoi pholasaí ar leith a dhéanamh nó athbhreithniú a dhéanamh ar an mbealach a phléitear leis na scoileanna sin?